По повод Денот на ослободувањето на Свети Николе 14 Септември, во нашата општина се одвиваа низа настани.

Прославата започна на13.09(петок) со :

FIBA 3X3 basketball на Градскиот Плоштад,а потоа продолжи со Свечената седница во Големата сала каде се обратија покрај градоначалникот на Свети Николе, г-дин Сашо Велковски и градоначалниците на збратимените општини Чичевац од Србија и Пуцонци од Словенија.

Со свое присуство не удостоија и учениците со своите семејства и своите ментори, кои имаат освоено награди на државно, балканско, европско ниво и за тоа беа пригодно наградени од општина Свети Николе.

Прославата продолжи со изложба од сликите од Ѓуришка колонија 2019, во Домот на културата.

На Денот на ослободувањето 14 Септември, беа положени цвеќиња на спомениците во градот од повеќе делегации. Денот продолжи со Open fun football school, каде децата имаа можност да се дружат и забавуваат, а вечерта се одржа White Freedom Festival, каде масовно се забавуваа сите граѓани.