Снегот што вчера интензивно паѓаше во општина Свети Николе, проследен со ветер, повторно отсече поголем број на селски населби од општинскиот центар. Локалната самоуправа на Свети Николе, како и вчера и денес ги активира екипите за зимско одржување на патиштата, на расчистување на коловозите до сите населени места. Од рано утрово, една екипа со градежни машини работеше на расчистување на големите наноси од снег на патот од Ерџелија до село Мустафино, друга се упати кон селата Амзабегово, Црнилиште и Пеширово, третата учествување во чистењето на патните правци околу Ѓуришкиот регион, поточно кон селата Трстеник и Ѓуришкиот манастир, каде утринава е забележана најаниската температура во нашава земја од – 11 степени, потоа кон селата Малино, Преот и Алакинци. Во текот на денот се вршеше и расчистување на патот кон село Орел и село Долно Ѓуѓанци. Како што истакнува герадоначалникот на општина Свети Николе, Сашо Велковски, и покрај тоа што невремето постојано создава проблеми настојуваме во најкраток можен рок да ги оспособиме сите патишта во општината, за да може непречено да се одвива сообраќајот со цел учениците да можат редовно да ја следат наставата, вработените навреме да бидат на своите места и жителите на селските населби да можат да ги извршуваат своите активности. Инаку, снегот кој вчера паѓаше е добредојден за земјоделските посеви и за влагата во почвата.??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ???????????????????????????????