Претставници од дирекцијата за заштита и спасување на Република Македонија, заедно со претставници од земјите членки на Европската унија и од партнерските држави, престојуваа во работна посета на општина Свети Николе, каде во рамките на редовните активности спроведоа сеопфатен скрининг на системот за заштита и спасување на локалната самоуправа на Општина Свети Николе. Претставиците од Германија, Обединетото Кралство на Велика Британија и Северна Ирска, Холандија, Словенија, Босна и Херцеговина и Тунис, разговараа со градоначалникот на Свети Николе Сашо Велковски, при што беа детално запознаени со стратегијата и начинот на функционирање на единицата за заштита и спасување. На средбата присуствуваше и директорот на дирекцијата за заштита и спасување Аднан Џафероски. Во рамките на посетата делегацијата оствари средба со членовите на Доброволното Противпожарно друштво Свети Николе, кое е едно од најстарите во нашава земја, формирано 1935 година и кое до ден денес го одржува континуитетот во справување со кризи во општината. Исто така, преставниците од Европа се запознаа и со работата на Територијалната противпожарна единица, во која се вработени 14 професионални пожарникари, кои со застарена опрема и возила секогаш успешно се справуваат со пожарите во општините Свети Николе и Лозово, а често помагаат на своите колеги во соседните општини.

DSCN0482 DSCN0494 DSCN0514 DSCN0516 DSCN0517 DSCN0524 DSCN0525 DSCN0539 DSCN0548 DSCN0553 DSCN0555 DSCN0561 DSCN0563