Интересот кај светиниколчани за резултатите од истражувањата на геоглифот кај село Црнилиште и понатаму е голем, од причина што пред неколку години, светски познати научници вршеа неинвазивни истражувања на овој локалитет во светиниколско. Домагој Николиќ еден од истражувачите пред светиниколската публика, меѓу кои имаше и гости од повеќе градови од нашава земја, ги презентираше резулатите од истражувањата вршени на геоглифот, при што ги изнесе претпоставките дека во тој дел се наоѓаат простории кои во понатамошните археолошки истражувања треба да се потврдат. Никола Ристовски еден од организаторите на овој настан, настојува да се изнајдат средства и да продолжат истражувањата на овој локалитет. Досегашните истражувања предизвикаа интерес и во светските научни кругови, а веќе во Чешка и Канада се одржаа и научни конференции на кои тема на расправа беше токму геоглифот кај село Црнилиште. Ова за нас претставува уште една можност покрај археолошкиот локалитет Била Зора кај село Кнежје и геоглифот да го вградиме во туристичката карта на Свети Николе, истакнува градоначалникот Сашо Велковски. Според досегашните анализи се очекува во наредниот период, односно во текот на летото, доколку се вклучат и државните институции да се изврши и истражување со гео радар за да се потврдат сите досегашни резултати за овој значаен археолошки локалитет, кој веќе влегува и во светската научна литература.

??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? DCIM100MEDIADJI_0009.JPG