Министерот за транспорт и врски Миле Јанакиески и директорот на Јавното претпријатие за државни патишта Љупчо Георгиевски во присуство на градоначалниците на Свети Николе, Зоран Тасев, на Штип Илчо Захариев и на Лозово Орце Цветковски денеска го означија отпочнувањето со градежните активности на третата фаза од експресниот пат Велес-Штип (до Кадрифаково).

Третата фаза е преку населените места Лозово-Сарамзалино-Кадрифаково со должина од 10,7 километри.

Градежните работи за реконструкција и рехабилитација на овој патен правец почнаа во октомври минатата година, а треба да биде готов до крајот на 2015 година.

Првата фаза од изградбата се одвиваше од клучката Велес до велешката депонија во должина од 4,7 километри. Втората е во должина од 8,9 километри, со што е реконструиран и проширен патот со нова трета лента до село Лозово.

magistrala (5) magistrala (4) magistrala (3) magistrala (2) magistrala (1)magistrala (8) magistrala (7) magistrala (6)