По повод 14 Септември, Денот на ослободувањето на Свети Николе од окупаторите во Втората Светска војна, денеска се одржуваат низа манифестации во градот и населените места на општината. Советот на општина Свети Николе одржа свечена седница, на која свој забележителен настап имаше младиот дванаесетгодишен надежен пијанист Гоце Златев, кој досега на бројни светски натпревари, има освоено голем број награди, а пред публиката се претстави со композиции од светски автори. Делегации од локалната самоуправа на Општина Свети Николе предводена од градоначалникот Сашо Велковски, како и бројни делегации од институции, граѓански здруженија и невладини организации положија цвеќе на спомениците на Лазар Колишевски, Александар Серафимов и на спомен костурницата на паднатите борци во НОВ во градскиот парк.

Денеска, на градскиот плоштад ќе се одржи турнир во шах, потоа ќе биде отворена изложбата на слики од годинешнава „Ѓуришка ликовна колонија“ , потоа следува целовечерен концерт на Националниот ансамбл „Танец“, а во вечерните часови на градскиот плоштад пред светиниколската публика ќе настапат Игор Џамбазов и Гуру Харе, а потоа следува настапот на Ди-џеј Чваре.

IMG_5523 IMG_5527 IMG_5528 IMG_5535 IMG_5536 IMG_5546 IMG_5549 IMG_5556 IMG_5558 IMG_5564 IMG_5566 IMG_5568 IMG_5582 IMG_5587 IMG_5601 IMG_5603 IMG_5606 IMG_5610 IMG_5618 IMG_5624 IMG_5626 IMG_5630 IMG_5636 IMG_5640 IMG_5644 IMG_5652 IMG_5655 IMG_5667 IMG_5675 IMG_5682 IMG_5685 IMG_5689 IMG_5699