На ден 15.04.2025 година, во периодот од 15:30 до 16:30 часот, во просториите на СОУ „Кочо Рацин“ се одржа состанок со Советот на родители на учениците од истото училиште.
На состанокот беа образложени актуелните безбедносни предизвици поврзани со користењето на мопеди, мотоцикли и автомобили од страна на ученици. Присутните родители и претставници дискутираа за ризиците и дадоа свои предлози за надминување на идентификуваната проблематика.
Договорено е во наредниот период во училиштето да се организираат повеќе едукативни предавања од областа на сообраќајната безбедност, со цел учениците подобро да ја разберат сериозноста и последиците од непочитување на законските одредби од Законот за безбедност на сообраќајот на патиштата (ЗБСП) и Законот за возила (ЗВ), како и соодветните санкции.
Исто така, договорено е на предавањата да присуствуваат и родителите на учениците. Предавањата ќе се реализираат во заедничка соработка со претставници од Републичкиот совет за безбедност на сообраќајот на патиштата (РСБСП), Полициската станица за безбедност во сообраќајот, Мото асоцијацијата на РМ и Општинскиот совет за превенција од детско престапништво.
Дискусија со совет на родители на СОУ Кочо Рацин
