На ден 11.03.2025 и 13.03.2025 година, во периодот од 13:00 до 14:00 часот, Отсекот за превенција при Советот за превенција од детско престапништво и Полициското одделение за безбедност на патниот сообраќај (ПО за БПС) – Свети Николе реализираа превентивна едукативна активност со цел афирмација на полициското работење и истакнување на позитивната улога на полицијата во општеството.
Во рамки на проектната активност беа опфатени учениците од петто одделение при ООУ „Свети Кирил и Методиј“, под менторство на наставничката Верче Давчева по предметот техничко образование, кои во рамки на наставната програма ја изучуваат темата „Сообраќај“.
Во просториите на училиштето беше одржано едукативно предавање, при што учениците беа запознаени со начинот на функционирање на Полициската станица од општа надлежност – Свети Николе, суштината на полициското работење, како и со опремата и средствата што ги користи полицијата. Посебен акцент беше ставен на правилата за учество на пешаците во сообраќајот и на улогата на полицијата во регулирање и обезбедување на безбедно одвивање на сообраќајот во урбана средина.
Сообраќај
