Градење на отпорна и адаптивна иднина за Свети Николе
Градоначалникот на Општина Свети Николе Дејан Владев и координаторот на проектот Ивана Димитрова како и претставник од партнер организацијата Смарт Ап директорот Николчо Гошев присуствуваа на дводневната почетна работилница Pathway2Resilience во Хаг. Оваа иницијатива е со цел да го поддржи регионот на Свети Николе во развојот на иновативни и трансформативни стратегии за адаптација на климата.
На работилницата се овозможи поврзување со колеги учесници, споделување на сознанија и разговор за различни пристапи во градење отпорност на климата.
Оваа работилница истакна неколку клучни компоненти на програмата Pathway2Resilience и стави акцент на концептот на Групи за иновативна практика. Овие групи обединуваат регионални експерти и практичари за да се справат со конкретни предизвици на заедницата и да ги споделат најдобрите практики.
Програмата Pathways2Resilience ќе обезбеди 18-месечна програма за градење капацитет, опремувајќи ги регионите-учеснички со потребните знаења, вештини и способности за да ги идентификуваат и зајакнат клучните компетенции и способности потребни за транзиција кон климатска отпорност.
За успешна реализација на овој проект, ќе се насочиме кон создавање на:
• Стратегија за отпорност на климата.
• Акционен план за отпорност на климата.
• Инвестициски план за отпорност на климата.
Како што тргнуваме на ова трансформативно патување, спремни сме да го споделиме нашиот напредок и да учиме од нашите колеги. Заедно, можеме да изградиме поотпорна и поодржлива иднина за Свети Николе.
Оваа активност е дел од проектот „Resilience Lab Sveti Nikole“, координиран од општина Свети Николе во партнерство со SmartUp – Social Innovation Lab и дел од програмата #Pathway2Resilience, финансирана од EIT Climate-KIC.
Овој проект е финансиран од Европската Унија.
#ClimateAdaptation
#ClimateResilience
#EuropeanRegions
#EUMissions
#MissionClimate
#EUClimateAction
#EUGreenDeal
