На ден 10.04.2025 година, во периодот од 11:00 до 12:00 часот, Отсекот за превенција при Советот за превенција од детско престапништво и Полициското одделение за безбедност на патниот сообраќај (ПО за БПС) – Свети Николе реализираа превентивна едукативна активност со цел афирмација на полициското работење и нагласување на позитивната улога на полицијата во општеството.
Во рамки на оваа проектна активност беа опфатени учениците од прво до петто одделение при ОУ „Даме Груев“ во село Ерџелија, кои ја изучуваа наставната тема „Сообраќај“.
Активноста се одвиваше во просториите на училиштето, каде што беше одржано едукативно предавање. Учениците беа запознаени со начинот на функционирање на Полициската станица од општа надлежност – Свети Николе, суштината на полициското работење, како и со опремата и средствата што ги користи полицијата во секојдневното работење.
Особено внимание беше посветено на правилата за учество на пешаците во сообраќајот, како и на работните активности на полицијата поврзани со регулирање и обезбедување безбедно одвивање на сообраќајот во урбана средина.
