Акција за помош на настраданите во поплавите во Србија и Босна и Херцеговина

Невладините организации од Свети Николе самоиницијативно започнаа со собирање на помош за настраданите луѓе во поплавите кои го зафатија регионот на посавина во Србија и Босна и Херцеговина. Општинскиот Црвен крст, Организацијата на жени и Извидничкиот одред Гоце Делчев, многубројни фирми, организации и поединци донираат финасиски средства, храна и облека. Досега се собрани неколку тони помош која заедно со финансиската средства ќе биде упатена до Црвениот крст на земјите кои ги зафати поплавата. Собирните штандови ќе бидат отворени од 10 до 19 часот до сабота 24 Мај. Се апелира граѓаните да донираат вода и хигиенски средства кои се најпотребни на настраданите во оваа природна катастрофа од невидени размери.