Како дел од проектот CITYMOVE, кофинансиран од Европската Унија преку програмата Interreg IPA ADRION, претставници на Општина Свети Николе активно учествуваа на состанокот на партнерите и на настанот „Ден на урбана мобилност“, кој се одржа во Биоград на Мору од 30 април до 2 мај 2025 година.
Настанот ги собра претставниците на сите партнерски градови и општини, меѓу кои и градоначалниците на Свети Николе, Мостар, Биоград на Мору и Бар. Учесниците дискутираа за иновативни решенија за подобрување на урбаната мобилност и ја претставија работата на проектот пред пошироката јавност.
Општина Свети Николе е во партнерство во Овој проект со Општина Бар (МЕ) како водечки партнер во проектот CITYMOVE, кој беше одобрен во рамките на првиот повик за аплицирање од програмата Interreg IPA ADRION 2021–2027. Проектот се спроведува во партнерство со градовите: Мостар (БиХ), Биоград на Мору (ХР), Нови Пазар (РС); и општините Губио (ИТ), Мат (АЛ), Кантанос-Селино (ГР) и CIHEAM институт (ГР). Придружни партнери во проектот се НАЛАС (МК) и Општина Лесковац (РС).
Главната цел на проектот е да се намали зависноста од автомобили преку подобрување на инфраструктурата и промовирање на употребата на еколошки средства за транспорт во Јадранско-јонскиот регион. Проектот CITYMOVE ќе ја подобри градската инфраструктура на партнерските локации преку воведување на нови софтверски решенија и модернизација на урбаната мобилност. Како дел од проектот, ќе се развие мобилна апликација за велосипедски и пешачки патеки, а градовите партнери ќе развијат локални планови за урбана мобилност и заеднички транснационален план за одржлива мобилност со модерни решенија за оваа тема.
Клучните проектни активности ќе бидат имплементирани на повеќе локации во рамките на партнерските градови и општини.
Проектот започна на 1 септември и ќе се спроведува 30 месеци.
Во Општина Свети Николе, овој проект носи конкретни резултати: набавка и инсталација на урбана опрема за мобилност, развој на локален акционен план за одржлива урбана мобилност, организирање на настани за промоција на урбаната мобилност и друго.
Ова партнерство, од една страна, ќе обезбеди успешно спроведување на сите активности, како и, од друга страна, успешно промовирање на резултатите од проектот поврзани со решенија за урбана мобилност во целиот Јадранско Јонски регион.
Водечки партнер: Општина Бар bar.me
Партнери:
Општина Свети Николе (МК) https://svetinikole.gov.mk
Град Мостар (БА) https://www.mostar.ba
Град Биоград на Мору (HR) https://www.biogradnamoru.hr/hr/
Град Нови Пазар (РС) https://www.novipazar.rs
Општина Губио (ИТ) https://www.comune.gubbio.pg.it
Општина Мат (АЛ) https://bashkiamat.gov.al
Медитерански агрономски институт Ханије – CIHEAM (GR) https://www.iamc.ciheam.org
Општина Кантанос Селино(ГР) https://kantanouselinou.gr
Придружни партнери:
НАЛАС (МК) https://www.nalas.eu/
Општина Лесковац (РС) https://novi.gradleskovac.org/
Проектот е кофинансиран преку програмата Interreg VI-B IPA ADRION 2021-2027. фондови на Европската Унија.
Повеќе информации за програмата Interreg VI-B IPA ADRION 2021-2027. може да се најде на: Програмата Interreg IPA ADRION (interreg-ipa-adrion.eu)
