Ѓуришка ликовна колонија

15 сликари од Бугарија, Србија и Македонија зедоа учество на 13-та ликовна колонија „Ѓуриште 2018“ која изминативе пет дена се одржа во Свети Николе во организација на Домот на културата „Крсте П. Мисирков“, под покровителство на локалната самоуправа на општина Свети Николе и градоначалникот Сашо Велковски. Ликовните уметници своите творби ги работеа во разни техники, на неколку локации во светиниколско, меѓу кои и во манастирот Ѓуриште, по слободен избор на кој доминираа портрети, апстакции, стара архитектура и пејзажи. Според изјавите на учесниците на ликовната колонија „Ѓуриште 2018“ организацијата на колонијата е беспрекорна, а секој сликар изработи по две дела кои остануваат во тајна сопственост на организаторот. Изложбата на делата создадени на оваа колонија ќе биде отворена во почетокот на месец септември во изложбениот салон на Домот на културата.