Според годишната програма за безбедност на сообраќајот, деновиве екипи на ЈКП Комуналец започнаа со одбележување на хоризонталната сигнализација на улиците во градот. Средствата за оваа намена ги обезбеди Локалната самоуправа на општина Свети Николе и се очекува во наредните денови да се одбележат сите пешачки премини и останатата сигнализација на коловозните ленти, со цел за поголема безбедност на пешаците во сообраќајот.
