Градоначалникот на општина Свети Николе Сашо Велковски, со претпријатието „ Конструктор“, потпиша договор за изградба на градски пазар. Со овој проект вреден околу 16 милиони денари, средства обезбедени од Светска Банка, ќе се уреди отворениот простор на сегашната локација на пазарот, каде ќе бидат поставени нови пултови за продажба на земјоделски производи, а ќе се овозможи и полесен пристап и за продавачите и за купувачите. Изградбата на пазарот треба да започне во текот на месец октомври и да биде предаден во употреба за пет месеци.
