Со новогодишен концерт Градскиот мандолински оркестар „Свети Никола“ одбележа уште еден јубилеј. Оркестарот во кој членуваат мандолинисти од повеќе генерации пред светиниколската публика во големата сала на општината, го одржа десеттиот бесплатен концерт.
На концертот беа изведени дела од Штраус, Равел и други светски композитори, кои не ги оставија рамнодушни љубителите на музиката. На новогодишниот концерт на Градскиот мандолински оркестар настапи и тенорот Ненад Јованов кој за оваа прилика во Свети Николе, се врати од Љубљана каде се наоѓа на постдипломски студии.
