Амбасадорот на Соединетите Американски Држави во нашава земја Пол Волерс престојуваше во работна посета на општина Свети Николе. При тоа оствари средба со градоначалникот Зоран Тасев, на која градоначалникот го запозна со актуелните состојби во градот и населените места. Амбасадорот Волерс се интересираше и за проектите кои успешно се реализирани во светиниколско преку УСАИД програмата, како и за проектите кои се во тек на реализација.
