Светиниколските крводарители со дводневната акција, на 3 и 4 јануари, организирана од општинскиот Црвен крст и Републичкиот завод за трансфузиологија од Скопје и оваа 2019 година успешно ја започнаа на полето на хуманоста. Минатите години според бројот на собраните крвни единици Свети Николе се наоѓа во врвот листата на општини со најголем број на дарители. Според показателите се очекува и оваа година да биде една од успешните со надминување на зацртаниот број со неколку десетици проценти повеќе крводарувања.
