На седница на Кризниот штаб на општина Свети Николе се разгледа актуелната состојба со КОВИД-19 во општината како и најновите мерки за справување со пандемијата донесени од страна на Владата.На седницата се разгледа и мерката за движење за време на полицискиот час за движење на земјоделците регистрирани како индивидуални земјоделци во МЗШВ како евидентирани земјоделци. Согласно најновите мерки сите индивидуални земјоделци регистрирани во МЗШВ дозволите за движење можат да ги обезбедат преку подрачната единица на МЗШВ .Евидентираните земјоделци кои не се запишани како индидуални земјоделци а чуваат крупна стока (овци, кози, крави и свињи) можат да го регулираат движењето за време на забраната за движење со најава на телефонскиот број на Кризниот штаб 075/310-514 секој ден од 7.30-11.00 часот со доставување на податок за име и презиме , РБО за број на грло-добиток и КО број на парцела на фармата каде се чува стоката.
Апелираме до сите сограѓани да ги почитуваат мерките за справување со коронавирусот земајќи ја во предвид бројката на заболени.
Седница на Кризниот штаб на општина Свети Николе
